التريند الدولي .. دولي

لا هو رصيد ستره خِلص ، ولا هما اول او اخر اتنين عايشين في المشمش ، مافيش حاجه بتيجي من عندهم مش مدروسه ، دا التريند الدولي لما بيحبوا ياخدوا المعاتيه والقطيع في العالم الثالث والثاني وجزء من الاول الي تريند حقيقي مصنوع ينسينا كلنا تريند احتلال اسر- ائيل لسوريا والاستمرار في ابادة غزة ،، خليك بقي انت مركز في بتاع الكاميرا والمشهد التمثيلي وحسابات السوشيال بتاعت زوجة الراجل العظيم ، وخطاب اعتذاره لموظفينه ، خليك عايش في عالم التريند ، وارباب صناعة الميديا والتريند في العالم هياخدوك الي الموقع المخطط له وبالتوقيتات المحسوبة بدقة ،،

لو شغلت عقلك شوية ودققت الصورة هتلاقي المجتمع الغربي وحتي الشرقي المتغرّب لم تعد مثل هذه القضايا الاجتماعية تعني له الكثير ،، وستجد الست العجوز تكبُر الرجل بعشر سنوات يعني حاجه كده “ماكرونيه ” خالص ،، طيب مسألتش نفسك هو عرف ازاي ان الكاميرا تسلطت عليه !! هتقولي كان فيه شاشة عرض !!

يعني هو كان مركز مع شاشة العرض ومش مركز انه يتصور !! طيب ورد فعله السريع الجميل مخطرش ع بالك خالص انه تمثيلي ولو بنسبة ١٪؜ ، رد فعل كل اللي حواليه والاخت المبتسمة لاستكمال المشهد لم يترك لك انطباعاً .. في تصوري وبعيدا عن فنيات كثيرة لا اود ان اخوض في تفاصيلها ،، المهم التريند الدولي فعلا دولي ،، وخدك انت والعالم كله بكل قنوات السوشيال الي مكان غير معلوم اسبوع كده عالسريع ، ما تنساش بقي ان الاتش ار ومديروا المكاتب والسكرتيرات والدخول في عالم تشكيك وتلوث بيئة الاعمال القادم