“أمل ” و “كريمة” و ” سهام”
هذا ليس عنوانًا لفيلم مصري .. وليس مدعاة للسخرية ،، انما هو عنوان .. اردت به ان التفت نظر الجميع الي خبر اسعدني ،، حاجه في الجول ذي ما بيقولوا الكرة اجوال ،، وعلفكرة الاقتصاد كمان اجوال واهداف وخطي ثابته.
حقيقي ..
دا واحد من “الاخبار الحلوة”
دا خبر المفروض “التوك شو” تسيب الهري وتشتغل عليه ..
دا خبر المفروض يوصل لكل “مستثمري العالم” اللي عاوزين يستثمروا في مصر..
دي الاخبار اللي تفتح النفس وتحسسنا انه مهما كان النهارده صعب بس مازال فيه امل في بكره
المستثمر والخبر اللي بلاقيه جاي عن القطاع الخاص في الصناعة والزراعة بيديني امل حقيقي مش امل وهمي او اي امل كداب … الاستثمارات الاخري مطلوبة في العقارات والتنمية العمرانية آه طبعا… لكن حالة التوازن لصناعة اقتصاد حقيقي هي هنا … دا ١٥ الف فدان في الفرافرة وسيوة ودا مرحلة اولي .. دا استثمار قطاع خاص مصري .. اهم من البلوجرز والتوك شو والفانز والريلز ،، والمساخيط اللي سخطوا حياتنا الاقتصادية … دا خبر المفروض الاعلامي الذكي يستخدمه في صناعة ايدولوجية وغيرة وجذب لكل مستثمري الداخل والخارج ،، لما نزرع ونصنع ونصدر هنحقق ” حياة كريمة” حقيقية ومستدامة .. بين البحث عن ” امل” مفقود .. وتعريف “كريمة” .. نستطيع بقليل من الترتيب للاوراق ان نبني ” امل لحياة كريمة مستدامة قادمة من الانتاج” .. لسه فيها كلام الحياة لا تتوقف الا عندما يخطيء الرماه توجيه سهامهم ينطفئ الامل و تتبعثر الكرامة وتشرد السهام وعندما تعود البوصلة والتركيز فستتحقق ” الاماني” المرجوة … ونصل الي حياة جميلة بين كلا من ” امل” و “كريمة” و “سهام” .. !!